يلما تعرف العشك

يلما تعرف العشك - ليش اعله بابه تدك .. بيبانه ماتنفتح بس لليعرفه صدك


تدري انته شنهو العشك- تدري انته شنهو الورد . مثل الورد بلضبط ينشم ولاينسحك
درب العشك دائره بنقطة صفر نفترك .. نفس المحطه اذن تجمعنا من نفترك
يلي اتركتني ورحت شتريد اذكرك بأمس.. انا الجنتلك امس نخله وفياي وشمس
وياك طبعي ذهب انصاغ بس ماصرت . محبس ابجفك ابد ماريد يوم البس
لاتحجي صوتك طلع ماحاجه تحجي بهمس . سجان يلي صرت هم ترجع وتنحبس
وياي ماقصرت كلساع بيك انذبح .. ومسموم ليلك طلع موت اعيون الصبح
فلاح يلي ازرعت بأرض المحبه جرح .. وداريت زرعك لمن خضر سنابل ملح
صدك وحك فركتك غابن عليه سوه . ضحكت اشفافك الي ونسمت هبوب الهوه
من بعد عينك ترى ماكمت اشوف الضوه . الشوف بيه اختنك والنفس بيه التوه
وصوت بيه انعكد والسالفه اجتفت .. ماترضه تطلع لأن تدري ابأذانك غفت
ماريد اشوفك ترد وارجع عليك التفت . عشرت عشكنا انتهت جلمه بحلكهم صفت
يلما تعرف العشك ليش اعله بابه تدك . بيبانه ماتنفتح بس لليعرفه صدك

مرتضى البرنس
كلام جميل جدا
وطرح رائع
فعلا هناك الكثير من لا يعرفو معنى العشق

تحياتي يا مبدع

كل الهلا يا غاليتي انرتي بردك الجميل
تحياتي يا وردة

شعر كبير وروعه

سلمت الانامل التي ارتقت واختارت
والف تحيه الك يغالي

شكرا مي نورتي

شكرا للكلمات الجميلة المختارة يا اخت سلمى
تحياتي